אין יאָר 2016 האָט דער ליטעראַטור־פאָרשער דזשאָרדאַן פינקין (Jordan Finkin) פאַרעפנטלעכט אויפסנײַ די פּאָעמע – Evigingo פון דעם פריפאַרשניטענעם ווילנער יידישן אַוואַנגאַרדיסטישן דיכטער לייזער וואָלף (1910- 1943) וועלכע דער מחדה האָט אַרויסגעגעבן מיט לאַטיינישע אותיות אין 1936 – און צו וועלכער פינקין אַכציק יאָר שפּעטער האָט צוגעגבן זײַן איבערזעצונג אויף ענגליש אין דעם הײַנט שוין ברייט באַקאַנטן ענגליש־שפּראַכיקן אינטערנעט־זשורנאַל פאַר יידיש־יידישער ליטעראַטור און קולטורגעשיכטע – אין געוועב.
איבערגעשריבענערהייט מיט יידישע אותיות איז די פּאָעמע אַרויס אין 2006 אינעם דריטן באַנד פון דעם אַמאָליקן ישראלדיקן זשורנאַל פאַר יידיש־פאָרשונג אויף עבריתּ – "חוליות". דאָרט אויך אין דער איבערזעצונג אויף העברעאיש (אַפּנים געמאַכט פון דעם פאָרשער און רעדאַקטאָר פונעם זשורנאל שלום לוריא ע"ה).
לייזער וואָלף (1943-1910) טעמאַטיש, שפּראכלעך און אפילו גראַפיש (לאַטיינישע אותיות) איז די פּאָעמע גאַנץ
נישקשהדיק עקזאָטיש.
לייענט, פאָרשט און דער עיקר האָט הנאה!
